“Логиком” компаниясының жаңа ДӨО құрылысында, қолданыстағы ДӨО-ларды оңтайландыруда және жаңартуда үлкен тәжірибесі бар.
Деректерді өңдеу орталықтары үшін жабдықтар мен бағдарламалық жасақтамаларын әзірлеу, жобалау, жинақтау және монтаждау сертификатталған мамандарды тарта отырып, Қазақстан Республикасының және Uptime Institute (АҚШ) қолданыстағы стандарттары бойынша жүзеге асырылады.
Біздің шешімдеріміздің мысалдары:
Павлодар қаласындағы “Қазақтелеком” АҚ ДӨО (Hewlett-Packard-пен бірге).
Қазақстан Республикасындағы және Орта Азиядағы ең ірі ДӨО. Жоба аясында жобалау бойынша жұмыстар, жүйелердің жекелеген элементтері бойынша, атап айтқанда, желдету және ауа баптау жүйелері, объектіні кешенді диспетчерлеу жүйесі, түтінді ерте анықтау жүйесі бойынша монтаждау жұмыстары орындалды. Қазіргі уақытта ДӨО техникалық қолдау жүзеге асырылуда.
Ақкөл қаласындағы “Қазақтелеком” АҚ жер асты ДӨО
Аталған нысан бойынша желдету және ауа баптау, электрмен жабдықтау, автоматты газды өрт сөндіру жүйелерін, оптикалық байланыс желілерін жобалау және қолжетімділікті бақылау бойынша жұмыстар жүргізілді. “Толық аяқталған” құрылыс жүзеге асырылды.
ҚР ҰБ резервтік ДӨО.
Жоба аясында жобалау, жабдықты таңдау, жеткізушілерді іздеу бойынша жұмыстар жүргізілді.
Мынадай жүйелер жобаланды: Есо POD240 – кешенді мобильді модульдік серверлік зал; үздіксіз қоректендіру жүйесі; желдету жүйесі; ауа баптау жүйесі; электрмен жабдықтау жүйесі; автоматты газды өрт сөндіру жүйесі.
Жалпы қуаттылығы 3,3 МВт 168 тірекке арналған HP POD 240A мобильді ДӨО құрылысы
Жоба аясында 10 кВ/0,4 кВ электрмен жабдықтау, дизель генераторлық қондырғылар, үздіксіз қоректендіру көздері, желдету және ауа баптау, объектіні кешенді диспетчерлеу, қауіпсіздікті кешенді қамтамасыз ету жүйелері жүйелерін қамтитын мобильді ДӨО және инженерлік инфрақұрылым ғимаратының құрылысы бойынша жұмыстар орындалды.
ҚКЖ инсталляциясы және ғимаратта ДӨО құру
Нұр-сұлтан қ. Республикалық Кедендік Бақылау Агенттігінің ДӨО
Жобалық құжаттама мен техникалық талаптар негізінде Деректерді Өңдеу Орталығы, сондай-ақ тапсырыс берушінің ғимаратында 580-нен астам портқа 6-санаттағы 4 кросстық бөлме және КСС салынды. Қолжетімділікті бақылау, ауа баптау, өрт және күзет сигнализациясы, өрт сөндіру, желдету және түтін жою жүйелері іске асырылды; кростық және белсенді желілік жабдық, серверлік жабдық, үздіксіз қоректендіру көздері орнатылды.