2021 жылы 25 тамызда Ақмола облысының әкімі Ермек Боранбайұлы Маржықпаев Қосшы қаласында Logycom компаниясы салған деректерді өңдеу орталығында болды. Деректерді өңдеу орталығы немесе деректер орталығы – бұл ақпаратты жинауға, өңдеуге және сақтауға арналған IT -кешен. Жаңа деректер орталығы аймақтағы түрлі интернет -жүйелердің үздіксіз жұмысын қамтамасыз етеді.
Жоба QazCloud компаниясы үшін жүзеге асырылды. Жаңа деректер орталығы цифрлық шешімдердің тұтас кластерін құрады. Облыс әкімінің айтуынша, мұндай нысандардың құрылысы аймақтың дамуы үшін аса маңызды. Орталықтың дәл осы Қосшыда ашылуы, оның қала мәртебесіне ие болуымен тұспа-тұс келген.
Ермек Боранбайұлы дата-орталықтың жұмысымен, оның сипаттамасымен танысты, Қазақстанда ІТ -технологиялардың даму перспективаларын бағалап ғана қоймай, мәліметтерді өңдеу орталығының жаңа жұмыс орындарын ашатынына сенім білдірді. Оның үздіксіз жұмысы мен жоғары деңгейдегі қорғаныстың арқасында жаңа деректер орталығы клиенттердің электрондық деректерін сақтауды және өңдеуді қамтамасыз етеді, олардың құрамына «Қазақстан электр желілерін басқару компаниясы» мен қазақстандық екінші деңгейлі банктер де кіреді.
